2025 წლის 18-19 მარტს, სოხუმის სახელმწიფო უნივერსიტეტში საბუნებისმეტყველო მეცნიერებათა, მათემატიკის, ტექნოლოგიებისა და ფარმაციის ფაკულტეტზე ჩატარდა კონკურენციის ინოვაციის ფონდის (CIF) პროექტის ფარგლებში საქართველოს განათლების, მეცნიერებისა და ახალგაზრდობის სამინისტროსა და სოხუმის სახელმწიფო უნივერსიტეტს შორის გაფორმებული №CIF-2-2024-08 საგრანტო ხელშეკრულების საფუძველზე, პროექტის „ბიოორგანულ პროდუქტთა სინთეზი და კვლევა“ გეგმა-გრაფიკით დაგეგმილი გრძელვადიანი ტრენინგები.
საქართველოს განათლებისა და მეცნიერების სამინისტროს პროგრამა „ინოვაციის, ინკლუზიურობისა და ხარისხის პროექტი – საქართველო 12Q (IBRD)“ CIF საგრანტო განაცხადი ითვალისწინებს პარტნიორობის (თანამშრომლობის) დემონსტრირებას. პარტნიორად პროექტის ფარგლებში ჩართულნი არიან: კერძო სექტორი – ინოვაციური განათლების ცენტრი (საქართველო); კვლევითი ინსტიტუტი – თსუ პ. მელიქიშვილის ფიზიკური და ორგანული ქიმიის ინსტიტუტი; არასამთავრობო ორგანიზაცია – „კავკასიის გარემოსდაცვითი არასამთავრობო ორგანიზაციების ქსელი“ (CENN).
CIF პროექტის ფარგლებში გრძელვადიანი ტრენინგების ჩატარების მიზნით გაფორმდა ურთიერთთანამშრომლობის მემორანდუმები პარტნიორ დაწესებულებებთან. ტრენინგები ტარდება 3 ეტაპად.
I ეტაპზე – 2024 წლის ივლისში – ინოვაციური განათლების ცენტრმა ჩაატარა 5 ტრენინგი თემებზე: „კვლევის სწორად დაგეგმვა და განხორციელება“, „შეფასების ვალიდური სისტემები უმაღლეს საგანმანათლებლო დაწესებულებებში“, „სწავლა-სწავლების პროცესში ინოვაციური მიდგომები“;
II ეტაპზე – 2024
წლის ოქტომბერში – პ. მელიქიშვილის ფიზიკური და ორგანული ქიმიის ინსტიტუტის უფროსმა
მეცნიერ-თანამშრომელმა, სს „ბიოქიმფარმის“ ხარისხის განყოფილების ხელმძღვანელმა იმედა
რუბაშვილმა გამართა 3 ტრენინგი შემდეგ საკითხებზე: „ანალიზური მეთოდების შემუშავება,
ვალიდაცია, ვერიფიკაცია“, „გაზომვათა განუსაზღვრელობა და მისი პრაქტიკული ასპექტები“
და „ხელსაწყო-დანადგარების მართვისა და შედეგების დამუშავება-რეპორტირება“.
III ეტაპზე გრძელდება გრძელვადიანი ტრენინგების ჩატარება. 2025 წლის მარტსა და აპრილში „კავკასიის გარემოსდაცვითი არასამთავრობო ორგანიზაციების ქსელი“ გამართავს 3 ტრენინგს.
2025 წლის 18-19 მარტს ჩატარდა 2-დღიანი ტრენინგი.
18 მარტს ტრენინგი თემაზე „კლიმატის ცვლილება, სააუზო მართვა, კატასტროფის რისკის შემცირება და GIS ტექნოლოგიები“ ჩაატარა „კავკასიის გარემოსდაცვითი არასამთავრობო ორგანიზაციების ქსელის“ კატასტროფების რისკების შემცირების და GIS სპეციალისტმა ვახტანგ ჩიტიშვილმა.
19 მარტს ტრენინგი თემაზე „კლიმატის ცვლილება – გამოწვევები და ბრძოლის ინსტრუმენტები“ ჩაატარა „კავკასიის გარემოსთაცვითი არასამთავრობო ორგანიზაციების ქსელის“ დირექტორის მოადგილე ნინო თევზაძემ.
დასასრულს,
სსუ-ს ქიმიის მიმართულების ხელმძღვანელმა და კონკურენტული ინოვაციის ფონდის CIF პროექტის
ხელმძღვანელმა, პროფესორმა ლალი ტაბატაძემ და ნინო თევზაძემ ტრენინგის მონაწილეებს
გადასცეს სერტიფიკატები.
