სოხუმის სახელმწიფო უნივერსიტეტის რექტორი სამშვიდობო განათლების კონსორციუმზე

უნივერსიტეტები, როგორც მშვიდობის შენების

 პლატფორმა თანამედროვე სამყაროში

 

     განათლებას კრიტიკული როლი ენიჭება კონფლიქტების მშვიდობიან მოგვარებასა და საზოგადოების განვითარებაში. უნივერსიტეტები აღარ არიან მხოლოდ ცოდნის გადაცემის სივრცეები – ისინი შეიძლება გახდნენ პლატფორმები დიალოგისა და თანამშრომლობისთვის, რაც მშვიდობის განმტკიცებას უწყობს ხელს. Erasmus+ პროექტი PeaceEdu, რომელშიც 2024 წლიდან ჩარ­თუ­ლია სოხუმის სახელმწიფო უნივერსიტეტი, სწორედ ამ იდეას ეფუძნება და მი­ზ­ნად ისა­ხავს მშვი­დო­ბის განათლების კონცეფციის გაძლიერებას აკადემიურ სივრცეში. 2025 წლის 2 აპრილს, პროექტის კონსორციუმის შეხვედრა კიშინიოვში, მოლდოვის სახელმწიფო უნი­ვე­რ­სი­ტეტში მნიშვნე­ლო­ვანი ეტაპი იყო პრო­ე­ქ­ტის განხორციელების  პროცესში, სადაც ერთ-ერთი მთავარი მომხსენე­ბე­ლი სოხუმის სახე­ლმწიფო უნივერსიტეტის რექტორი, პროფესორი ზურაბ ხონელიძე გახლდათ. მისი მოხსენების ძირითადი აქცენტები იყო:

·         PEACEEDU პროექტის მნიშვნელობა რეგიონის, საქართველოსა და ქართული უნივერსიტე­ტე­ბისთვის;  

·         განათლების როლი მშვიდობის მშენებლობის პროცესში და

·     მონოგრაფია „მშვიდობის ქართული პარადიგმა“, რომელშიც პროფ. ზურაბ ხონელიძეს შემოთავაზებული აქვს სამშვიდობო განათლების ახალი იდეა „საუნივერსიტეტო დიპ­ლო­მა­ტია“. ავტორმა მოკლედ ისაუბრა  წიგნის მთავარ იდეაზე, სოხუმის სახელმწიფო უნივერ­სი­ტეტის მისიასა და სტრატეგიაზე, რომელიც საერთაშორისო ურთიერთობებში ახალ ფუნქციას ანიჭებს  აკადემიურ სივრცეს.

გამოსვლის დასასრულს პროფ. ზურაბ ხონელიძემ მადლობა გადაუხადა პროექტის იდეის ავტორებს, მონაწილე უნივერსიტეტებსა და ქვეყნების დელეგაციებს სამშვიდობო განათლების პროექტის ინიცირებისთვის და ხაზი გაუსვა საე­რ­თა­შორისო ურთიერთობებში პროექტი Pea­ce­Edu-ს მნივნელობას უნივერსიტეტებისთვის, რათა ისინი გახდნენ არა მხოლოდ ცოდნის, არამედ თანამშრომლობის, დიალოგისა და მშვიდობის კულტურის განვითარების ცენტრები.

ლია ახალაძე

პროფესორი

სოხუმის სახელმწიფო უნივერსიტეტის

სამეცნიერო კვლევებისა და განვითარების დეპარტამენტის უფროსი