2024
წლის 24 ივნისიდან 28 ივნისის ჩათვლით, ამბროლაურისა და ონის მუნიციპალიტეტების მიდამოებში
ჩატარდა გეოგრაფიის საბაკალავრო პროგრამის სასწავლო გეგმით გათვალისწინებული საველე-პროფესიული
პრაქტიკა ამავე სპეციალობის მე-2 კურსის სტუდენტებთან. საველე პრაქტიკა გაიარა ცხრა
სტუდენტმა.
საველე
პრაქტიკის მსვლელობისას, რაჭაში სტუდენტები გაეცნენ რეგიონის გეოგრაფიულ თავისებურებებს,
კერძოდ:
1.
მდინარეებისა და ხეობების რელიეფური ნიშნების აღქმა, მათი ელემენტების მორფომეტრიული
ნიშნების გაზომვები, მორფოგრაფიული თავისებურებების გაცნობა; 2. მეწყრული და სხვა თანამედროვე
გეომორფოლოგიური პროცესების – კლდეზვავების, დენუდაციური შთენილების, გამოზიდვის კონუსების
ფიქსაცია და აღწერა; 3. შოვის მიდამოების სელური ღვარის კატასტროფული მოქმედების ინდიკაცია,
მათი მიზეზების ახსნა-განმარტებების გაცნობა, ღვარცოფის დეტალური შედეგების სამეურნეო
შეფასება; 4. ნამახვანის ჰეს-ის შესაძლო მშენებლობის ნეგატიური შედეგების გაცნობა,
რომელიც ამჟამად შეჩერებულია; 5. შაორის წყალსაცავის მნიშვნელობისა და გამოყენების
თავისებურებების გაცნობა; 6. კულტურული ფენომენის – ნიკორწმინდის საეკლესიო კომპლექსის
დათვალიერება.
საველე-პროფესიული
პრაქტიკის მსვლელობისას განხორციელდა შემდეგი მარშრუტები:
ახალსოფელი
– უწერა – შოვი – ღები (24 ივნისი);
ახალსოფელი
– მდ. კრიხულას ხეობა და სათავის მიდამოები (25 ივნისი);
ახალსოფელი
– მდ. რიონის ზედა წელის ხეობა და ნამახვანის მიდამოები (26 ივნისი);
ახალსოფელი
– მრავალძალი – შქმერი – ბარაკონი (27 ივნისი);
ახალსოფელი
– ნიკორწმინდა – შაორის წყალსაცავი – ოკრიბა (28 ივნისი).